CAMBO Video: បង្ក្រាបគ្រឿងញៀនខណ:ឆែកឆេរកម្លាំងរកឃើញ ក្នុងផ្ទះជនល្មើស មានលាក់ផ្ទុកឈើ ៣៤កំណាត់

បង្ក្រាបគ្រឿងញៀន ខណ:ឆែកឆេរ កម្លាំងរកឃើញ ក្នុងផ្ទះជនល្មើស មានលាក់ផ្ទុកឈើ ៣៤កំណាត់ថែមទៀត ខេត្តកំពត ៖ កម្លាំងកងរាជអាវុធហត្ថខេត្តកំពត ដឹកនាំដោយលោក ព្រះរាជអាជ្ញារងអមសាលាដំបូងខេត្ត ខៃ សម្ផស្ស ចុះប្រតិបត្តិការបង្ក្រាប ឃាត់ខ្លួនបានជនចែកចាយ និងប្រើប្រាស់ថ្នាំ ចំនួន០២នាក់ រួមនឹងគ្រឿងញៀន១១កញ្ចប់តូច និងឈើ៣៤កំណាត់ នៅម៉ោង៥និង២០នាទីល្ងាច ថ្ងៃទី៣០ ខែសីហា ឆ្នាំ២០១៦ នៅចំណុចផ្ទះជនសង្ស័យ ឈ្មោះ ឡូ ប៊ន ស្ថិតក្នុងភូមិត្រពាំងធំ ឃុំត្រពាំងធំ ស្រុកទឹកឈូ ខេត្ត
កំពត។ កម្លាំង(អហ)នៃមន្ទីរយុត្តិធម៌ខេត្ត បានប្រាប់ឲ្យដឹងថា: ជនសង្ស័យ ឈ្មោះឡូ ប៊ន ភេទប្រុស អាយុ៥៤ឆ្នាំ(ជាម្ចាស់ផ្ទះ ផ្ទុកឈើខាងលើ) និង ឈ្មោះប៉ុក វិបុល ភេទប្រុស អាយុ២៧ឆ្នាំ ជាកម្មករក្នុងរោងធ្វើសិប្បកម្មឈើ របស់ឈ្មោះ ឡូ ប៊ន។ ទាំង២ រស់នៅ ក្នុងភូមិ ឃុំកើតហេតុខាងលើ។ វត្ថុតាងរឹបអូសបាន រួមមាន: គ្រឿងញៀន ប្រភេទម៉ាទឹកកក ចំនួន១១កញ្ចប់តូច និងឈើប្រភេទធ្នង់ ប្រភេទឈើត្រសេក តូចធំ ចំនួន៣៤កំណាត់។ ក្រោយឃាត់ខ្លួន ក៏នាំយកទៅសាកសួរនៅទីបញ្ជាការដ្ឋាន(អហ)ខេត្ត ដើម្បីចាត់ការតាមនីតិវិធីច្បាប់៕